Warsaxaafadeed Wadajir Ay U Soo Saareen Labada Xisbi Qaran Ee Kulmiye Iyo Ucid Oo ……

KU: KOMISHANKA QARANKA JAMHUURIYADA SOMALILAND

KU: GOLAHA GUURTIDA JAMHUURIYADA SOOMALILAND

KU: GOLAHA WAKIILADA JAMHUURIYADA SOMALILAND

UJEEDO:GO,AAN WADAJIR AH OO LA XIDHIIDHA

MAR XALADA CUSUB EE LA GALAY IYO ARIMAHA DOORASHOOYINKA

labada xisbi qaran ee ucid iyo kulmiye iyaga oo hirgalinaaya himilooyinka umada soomaliland waxay aaminsan yihiin in la dhamaystiro hanaanka geedi socodka dimuqraadiyadeed ee uu ku salaysan yahay qaab dhismeed ka hay,adaha (institutions) dawladeed ee soomaliland, kuwaas oo dastuurka qaranku uu si waadix ah u qeexayo inay ku yimaadaan hanan doorasho isla markaana uu si cad u tilmaamayo inay mudo go,an xilka hayaan.

Sidaas darted labada xisbi qaran waxay aaminsan yihiin inay dhamaatay mudadii xilka ee dastuuriga ahayd ee madaxweynaha iyo madaxweyne ku xigeenka.waxaanay u arkaan sifaha dhibaatooyinka lagaga gudbi karaa inay tahy mid ku salaysan wadatashi ka yimaada xisbiyada qaranka

Hadaba,si loo adkeeyo himilooyinka umada loogana taxadiro burbur distoori ah(constitutional crisis) iyo mid siyaasi ah (plotical crisis) labada xisbi ee ucid iyo kulmiye waxay wadjir u go,aansadeen

1: inay komishanka qaranka la qaataan jadwalka diiwaangalinta iyo doorashooyinka ee ay xisbiyada usoo bandhigeen

2: in doorashada soo horaysa ee qorshaysan 06/10/08 ay noqoto ta madaxtooyada maadaama ay doorashada madaxtooyadu tahay ta ahmiyada weyn u leh dalka, isla markaana carqaladaha iyo mashaakilka distooriga ah iyo kuwa siyaasiga ah ee hada taaganba lagaga bixi karo, bulshowenta caalamka ee inaga taakulaynaysa doorashooyinkuna ay tahay ta ay danaynayaan, iyada oo waliba ay xusid mudan tahay in aanay manta khasab ahayn inay ta dawladaha hoose soo hormarto kol hadii aanay xisbiyo qaran ka soo baxaynin ururo siyaasadeed (sidii doorashadii2002kii)

3:in marka la gaadho 16/5/08 ee ay dhamaato mudada xilka madaxweynaha iyo madaxweyne ku xigeenka la dhiso xukuumad wadaaga oo dalka gaadhsiisa ilaa doorashada madaxtooyada

Ugu danbayn labada xisbi qaran ucid iyo kulmiye waxay xasuusinayaan golaha sharci dajinta waxa ugu muhiimsan ee umadu ay u igmatay inuu yahay ilaalinta distoorka qaranka iyo shuruucda kale ee dalka , umadana ay wakiil kaga yihiin ,

sidaa darteeed ku xadgudub kasta oo golaha sharci dajintu ku sameeyaan mudada xilalka hay,adaha qaranka sida madaxtooyada iyo,golaha sharci dajinta waxay qaranka ku keeynaysaa inay carqaladayso nidaamkii geedi socodka dimiuqraadiyada iyo doorashooyinka ,waxaanay keeni kartaa xaalad nabad galyo darro

Gud Xisbiga Ucid Gud Xisbiga Kulmiye

Eng Faysal Cali warabe Md Axmed M Siilanyo