Daahir Rayaale Kaahin Iyo Labada Gudoomiye Ee Xisbiyada Kulmiye Axmed Siilaanyo Iyo Ucid Faysal Cali Waraabe Oo Kulan Qado ah Maanta U Balansanaa

Hargeysa, Somaliland – Waxaa mar labaad maanta isugu imanayay kulan qado ah Madaxweynaha mudadiisii dhamanayso md Daahir Rayaale Kaahin iyo labada gudoomiye ee xisbiyada Kulmiye iyo Ucid md Axmed Siilaanyo iyo md Faysal cali Waraabe. Kulan qadada ah oo uu marti galiyay md Daahir Rayaale Kaahin ayaa si weyn maanta shacabka reer Somaliland ugu wada dheg taagayaan. Md Rayaale ayaa mudadadii madaxweynenimada loo soo doortay ay kaga egtahay bisha May 15 keeda oo ah 12.00 habeenimo ee cawaa, . Waxaa dhawaan sanad aan distoorka wafaaqsanayn madaxweynaha u cusboonaysiiyay odaysha golaha guurtida oo iyaga laftooduna ku fadhiya cusboonaysiin afar sanadood ah ay oo qayra distoori ah. Sanadka cusboonaysiinta ee madaxweyne Rayaale ayaa dhaliyay muran distoorka ku saabsan oo siyaasadeed halkaasi oo labada xisbi ee mucaridka Kulmiye iyo Ucid ay gaashaanka ku dhufteen qodobada loo adeegsaday in madaxweynaha mudo sanad ah loo cusboonaysiiyo, waxaanay labada xisbi ku adkaysteen in aanay mudane Daahir Rayaale u aqoonsan doonin madaxweyne wixii ka dambeeya bisha May 15 keeda oo maanta ku beegan.

Kulanka sedexda gudoomiye ee xisbiyada Udub , Kulmiye iyo Ucid ayaan illa hada la ogayn waxyaabihii kulankaas lagaga wada hadlay iyo in go’aamo laga gaadhay murankii jiray. Shabakada wararka ee xisbigan Kulmiye waxay idiin la soo socod siin doonta wixii warar ah ee ka soo kordha arintan sida ugu dhakhsaha badan ee uu marba warku nagu soo gaadho.

Kulmiye.org