Rayaalow; Lagaa Wada Diid Taydaa Soconayasa, May 15 keeda Ayay Kaaga Egtahay

Faalo

Dahir Rayaale taladii distooriga ahaydna diid, tii dadka wanaaga iyo nabada wadana diid, tii culimada diid, tii aqoonyahanka iyo samotaliskana diid bal se wuxuu intaas oo isu dhan ka door biday tiisa maqluubka u shaqaysa ee qafral marjaca dhanka qaloocan ugu socota.

Bisha May 15 keeda wixii ka dambeeya cidi kuma aqoonsanaan doonto inaad tahay madaxweynihii dalkan Jamhuriyadda Somaliland waana mid sharci ah oo mudadii lagu doortay maalintaasay kaaga egtahay. Mid se waan kaaga digayaa inaad ku khatalanto oo ay noqoto mid ku hoda, ogow hada rag la wad oo la wad oo walaal wuxuu ku dhaamo la waa, taasina waa tii afweyne ku jabay markuu xoog aanu lahayn oo beena ah is biday balse adigana yaanu hadhkaagu been kuu sheegin, Dahir Rayaalow ha noqon beentiisa run moode. Dalkani wuxuu halkaa ku soo gaadhay waa nabad iyo wada tashi, Dahir Rayaalow talada dalkan kumaad iman beelnimo reer hebel ah, kumanaad iman jacayl aad lagu jeclyahay iyo wanaag aad dalkan u soo qabatay balse waxaa hogaaminta dalkan laguugu caleemo saaray waxay ahayd distoor la ilaalinaayay, nabad la dhayaayay iyo isu tanaasul la isu wada tanaasulayay, wixii sharci ah marnaba hore looma diidin hadadanna la joogana lama diidana ha se ka yaabin marnaba in qarjajacdaada iyo dig digtaada aan macnaha ku fadhiyin in lagaa yeeli doono ilow taasi waa mid aan loo dul qaadan doonin mar dambe oo soo dhamaatay . Qofka hadaad riixdo ood hadana sii riixdo , marka dambe adiga uun baa dib u eedi doona xaqdarooyinka aad ku isticmaalayso awooda qaran ee shacabka iyo qarankuba kula wada leeyahay, cawaaqib xumadeedna adigaa ka masu’uul noqon doona waxay ku dambayso.

Rayaalow adiga iyo shacabka reer Somaliland is barate, hab ku dhaqankaagana lagula baray, wixii afweyne laga wada diiday adna lagaa yeeli maayo ee nabada dalka ka daa khalkhalka iyo been abuurka aad ku hayso. Ciidamada iyo Boliiska qaranka ee aad sida qaldan xukunkaaga ugu ilaashanaysana jooji, shacabka aad xabadaha ku furayso qaarna aad xidhxidhayso maalin kasta kaa daa ayaanu ku leenahay. Hadal iyo gabagabo May 16 keeda uuuups, maalaa waad ka naxaysaaye !! Cid dambe oo ku dhagaysanaysaa ma jirto ee nafta runta u sheeg in wakhtigii kaaga dhamaaday ayaan daro adiga oo aan dalkan waxba u qaban.

Dalkan waxba maad gashan waxaad yeeshay mooyaane balse fursadii kuugu dambaysay intaad is leedahay xoog,cagajuglayn, xadhig, cabudhin iyo muuqnis ku dhaqan bal yaan duufaan ku qaadiyo Waa sahal dabayshuye Ayaanu daadku kuula tagiin , hortaa jiraba hore u waa saaxiib.