Jawaab ku socotaa: Gudoomiyah Xidhiidhka Caalamiga ee Xisbiga UCID ahana Xubin Gudiga Fulinta ah maqaalkiisii, Waa Qalinkii Abdilhakiim Suleiman Hersi

September 9th, 2008

(Doorashada madaxtinimada ee fooda inagu soo haysaa waa marxaladii ugu adkayd ee Somaliland soo marta).

Waa run doorashada soo socotaa waxay noqon doontaa mashruucii ugu adkaa ee soo mara wadanka sabahan soo socoda darted:-

    1. Hadii UDUB talada dalka ku soo noqoto somaliland ma jiridoonto, waayo somaliland iskama xijin karto shanso danbe oo dibin daabyo ah.
    2. Xisbiga Kulmiye waxa uu tanaasul sameeyay mar, weliba iyada oo 80 cod laga helay, maalintaa UDUB lama aqoon, maanta hadii doorasho xalaalihi dhici waydo ma qabo in uu KULMIYE tanaasul danbe samaynayo, waayo libaax baa la yidhi god laba jeer lagama kiciyo.
    3. Shacabka reer somaliland maanta waxay ku jiraan xaaladii ugu adkayd hadii ay noqoto dhaqaale daro, rajo la’aan, sidaa darteed maanta dhamaan dadka garaadka u saaxiib ka ahi waxay go’aan sadeen in ay codkooda ku doortaaan dowladii mustaqbalkooda dhisi lahayd waayo waxa la yidhi (hali maalin bay ceel joogtaa).
    4. Somaliland guud ahaan waxay lee dahay cadow badan cadowgaas howgu horeeyo dowlada cabdilaahi yusuf ka yahay madaxwaynaha, markaa waxan qabaa xisibiga UDUB uma babac dhigi karo ama somaliland cadowyadaa badan kama samata bixin karo.

Sabahaa iyo qaar kale oo badaniba horta sida aad sheegtay doorashadu waxay noqon doontaa mid adag oo aan laysu tudhin.

Intaa marka aan ku dhafo waxa igu kelifay in aan maqaalkaagii ka jawaabo oo aan aad uga xumaaday, waxad tidhi xisbiga KULMIYE hadii uu qabto talada wadanka waxa dhacaya dagaalo sokeeye waa sida aan anigu hadalkaaga u fahmay, horta dadkan xisbiga KULMIYE ku jiraa hadii ay yihiin dad col ah oo aan is arki Karin waxaynu maqli lahayn dagaalkooda hada ka hor waxad ogtahay in ay ergooyin kun qof ku dhaw in ay meel isugu yimaadeen wax sharaf daro iyo karaamo daro ahna dhegaheenu may maqal, waxan garan waayay sababta ay isu dilayaan marka ay xukunka qabtaan?

Waxad kale oo tidhi siyaasada KULMIYE waa gacan uur ku jirta oo mustaqbalka lama saadaalin karo, raga ku jira KULMIYE maanta ma Police baa ka horjooga Xamar iyo in meel daran ay ka dhacaan. Waxan qabaa maanta iyagoo mucarada oo maalin walba la caayayo oo wax laga sheegayo oo lagu mudaroonayo ayay joogaaan wadankoodii hadii ay qabtaan talada dalkana waxan qabaa in ay sidaas uun u joogi doonaan, ninka maalinta adag dhiigiisa kuu horaa maalinta nabadana caqligiisa wuu kuu hurayaa waayo qofku wax uu huro naftiisa ayaa ugu wayn raganna waa ragii dhiigooda u horay ciiddan ee cadowga ka xoreeyay wadankan aynu maanta nabada ku joogno, waxa uu yidhi NINA DHALASHUU KUGU DHABAR JABAY NINA DHUUNUU KUGU DHAADHACAY.

Waxaan aad hadaba ula yaabay oo runtuu fajac igu riday Faisal Cali waraabe ayaa maanta wadankan samata bixinkara, run hadii aad doonayso Daahir Riyaale iyo Faisal Cali waraabe, somaliland Daahir Riyaale ayaa Faisal Cali waraabe ugu laxjeclo badan. Waxan qabaa nin aan laysku halayn Karin siyaasadiisa haduu jiro waa Faisal Cali Waraabe, maalina mashriq buu u tukadaa maalina maqrib, saacadba waa cayn, minidba waa si, waxannu ognahay waxa ka guuxaya, waa dictator, waa caadifi, waa shaqsi fudud, markaa kaa Faisal hadii uu somaliland qabanayo aynu Daahir u dayno.

Abdihakim Sulemain Hersi